DEPARTEMANTA FI.PI.KRI FMC
 |
Tompon'andraikitra: Ps RAFIDINJANAHARY Pierrot -E-mail: -skype: -Tél: |
 |
RY MPIARA-MIASA MALALA
Miarahaba anao amin'ny anaran'i Jesosy Kristy izahay ary mirary soa anao hahefa be amin'ny maha-tompon'andraikitry ny FI.PI.KRI anao.
Ampitaina aminao ankehitriny ireo tari-dalana mandritry ny taona. Mampahery anao hamaky izany hatramin'ny farany.
Azo zaraina efatra lehibe ireo sehatra iasantsika ireo:
Amin'ny teny Anglisy dia samy miatomboka amin'ny T izy ireo:
TREASURES : TAHIRY na FANANANA Télécharger
TIME : TOMBON'ANDRO Télécharger
TEMPLE : TEMPOLY Télécharger
TALENTS : TALENTA Télécharger
Ny Fitantanam-pananana:
Ny kristiana dia mpitandrina ny fananan'Andriamanitra, notolorany ny hareny hotantanana, ary amin'ny maha-mpiara-miasa amin' Andriamanitra ny kristiana, dia tompon'andraikitra izy ireo amin'ny fitantanana ny fananan'Andriamanitra araka ny toro-làlana sy ny fitsipika fototra nomeny. Ny torohevitra omen'Andriamanitra dia ny hoe: " ny mpitandrina fananana dia tokony ho olona mahatoky" (1 Kor. 4 : 2 ).
Ny hoe fitandremam-pananana amin'ny heviny mahafao-be dia mahasahana lafiny maro amin'ny fiainana sy ny fanandramana kristiana, nefa tsy isalasalana fa ny fitantanana ny vola aman-karena eo am-pelatanantsika dia manana toerana mankadiry amin'izany. Mahakasika ny mambra tsirairay amin'ny fiangonana ny momba an'izy ity. Voafaoka ao anatin'izany ny fanekentsika ny fanapahan'ny fahefan'Andriamanitra, ny maha-tompon'ny zavatra rehetra Azy, ary ny fandrotsahany ny fahasoavany ao amin'ny fontsika.
Ny vola, ny hery miasa mangina, ny fahamailoana, ny fotoana ary ny hery - ireo rehetra ireo dia fanomezam-pahasoavana nankinina amintsika mba ahatonga antsika ho mahasoa amin'ireo manodidina antsika ary ho voninahitra ho an'ilay Mpahary antsika. This Day with God, p 68.
Ny andrasana aminao dia ny hanampy ny fiangonana hahay hitantana ireo harena efatra lehibe nomen'Andriamanitra ireo ary ny handefa ny tatitra aty amin'ny departemanta FIPIKRI FMC isan-telovolana amin'ny alalan'ny pasitoran'ny distrika.
Tari-dalana azonao rohizana eto:
- DINGANA AHATONGAVANA HO MPIANATRA ( D.A.M ): 26 Janoary - 16 Martsa 2013
- MPANDRINDRA FI.PI.KRI DISTRIKA
